Agjencia Shtetërore për të Drejtat dhe Mbrojtjen e Fëmijëve

Dita Ndërkombëtare e Internetit të Sigurt

Agjencia — Tue, 09 Feb 2021 10:31:18 +0000

Përditësuar më: 26.02.2026

9 Shkurti është Dita Ndërkombëtare e Internetit të Sigurt.

Agjencia Shtetërore për të Drejtat dhe Mbrojtjen e Fëmijës inkurajon prindërit dhe fëmijët të jenë të kujdeshëm në mënyrën e përdorimit të internetit. Grupmoshat e fëmijëve 10-14 vjeç janë shumëherë më të rrezikuar nga ngacmimet seksuale online dhe mund të rekrutohen shumë herë me shpejt se grupmoshat mbi 14 vjeç. Këshillohen prindërit apo kujdestarë të tjerë ligjorë të mos lejojnë fëmijët të kenë faqe të tyre personale në Facebook, Instagram, Snapchat, TikTok, etj si nga format më të rrezikshme të komunikimit, kërcënimit, shantazhimit, rekrutimit me qëllime përfitimi seksuale duke cënuar identitetin e fëmijës deri në pasoja ekstreme.
Disa Bashki realizuan disa takime ndërgjegjësuese për mënyrën e përdorimit të internetit të sigurt nga fëmijët për mbrojtjen nga përmbajtja e papërshtatshme që mund të aksesohet në internet te cilat mund të paraqesin rrezikshmëri të lartë. Gjate takimeve u ndanë informacione të cilat përmbanin këshilla për fëmijët me temë ” Përdorimin e internetit me siguri dhe përgjegjësi”.

Besimet fetare kundër trafikimit të Qenieve Njerëzore

Agjencia — Mon, 08 Feb 2021 09:55:19 +0000

Përditësuar më: 26.02.2026

Kryetarja e Agjencisë Shtetërore për të Drejtat dhe Mbrojtjen e Fëmijës znj, Alma Tandili mori pjesë në konferencën kombëtare, me temë: “Besimet fetare kundër trafikimit të Qenieve Njerëzore”.Kjo konferencë u organizua nga Këshilli Ndërfetar i Shqipërisë dhe Caritasi Shqiptar. Në të morën pjesë krerët e besimeve fetare, përfaqësues të ambasadave të akredituara në Tiranë, përfaqësues të shoqërisë civile dhe të institucineve të shtetit shqiptar.
Në fjalën e saj ajo u shpreh se besimet fetare në Shqipëri dhe bashkëjetesa e tyre janë modeli më i mirë jo vetëm ne Ballkan, por edhe në botë. Situata në të cilën ndodhemi për shkak të Pandemisë Covid 19, ka ndikuar ndjeshëm në rritjen e numrit të raportimit të fëmijëve në nevojë për mbrojtje. Ndaj të gjithë së bashku të forcojmë përpjekjet tona për të luftuar trafikimin , parandaluar të gjitha format e dhunës, abuzimit tek fëmijët , duke ndihmuar familjet në komunitetet ku jetojmë nëpërmjet identifikimit, raportimit, edukimit të vlerave njerëzore.

#ASHDMF

#MSHMS

#CaritasAlbania

#KomitetiNdërfetarShqiptar

Mbrojtja dhe siguria online për fëmijët

Agjencia — Mon, 25 Jan 2021 10:44:15 +0000

Përditësuar më: 26.02.2026

(25/01/2021)

Mbrojtja dhe siguria online për fëmijët është një fushë e re për Punonjësit e Mbrojtjes së Fëmijëve që kërkon njohuri të specializuar në këtë fushë. ASHDMF krahas fushatave dhe materialeve informuese që ka shpërndarë në shumë bashki të vendit, në koordinim me institucionet AKCESK dhe Drejtorinë e Krimit Kibernetik në Policinë e Shtetit është angazhuar në organizimin e trajnimeve për Njësitë e Mbrojtjes së Fëmijëve në 12 qarqet e vendit. Në trajnimin e realizuar në Drejtorinë e Policisë vendore në Shkodër mbi sigurinë kibernetike krahas punonjësve të policisë morën pjesë punonjës të mbrojtjes së fëmijëve nga Bashkia Shkodër, Malësi e Madhe dhe Vau i Dejës.
Ekspertë të fushës shpjeguan rëndësinë e parandalimit dhe rreziqeve që vijnë nga keqpërdorimi i internetit.
Rastet e bullizmit, vjedhja e identitetit, ngacmimet apo shantazhet online ndaj fëmijëve u diskutuan në trajnim si dhe mënyra ku të referohen dhe ndiqen këto raste.

(15/01/2021)

Mbrojtja dhe siguria online për fëmijët ishte një nga temat që u trajtua gjatë trajnimit mbi rritjen e kapaciteteve mbi sigurinë kibernetike të zhvilluar në Drejtorinë Vendore Të Policisë Elbasan. Krahas oficerëve të policisë, punonjësve të sigurisë në shkolla, ishin dhe Punonjës të Mbrojtjes së Fëmijëve të bashkive Elbasan, Cërrik dhe Peqin. Agjencia Shtetërore për të Drejtat dhe Mbrojtjen e Fëmijës, AKCESK dhe Drejtorinë E Krimit Kibernetik në Policinë e Shtetit me mbështetjen e Institutit Të Komunikimeve Teknologjike dhe Digjitale u mundësua rritja e kapaciteteve për profesionistët e mbrojtjessë Fëmijëve.
Ruajtja e privatësinë ne rrjete sociale, kujdesi për informacionin personal që shpërndahet në internet, përvojat profesionale dhe personale të pjesëmarrësve, për trajtimin e rasteve “viktima” të krimit kibernetik ishin ceshtje me interes që u diskutuan gjatë trajnimit.

Historia Ime TV KLAN

Agjencia — Mon, 11 Jan 2021 09:31:45 +0000

Përditësuar më: 26.02.2026

HISTORIA IME TV KLAN. Vrasja e dy motrave, shkak apo pasojë e indiferencës së shoqërisë?

Të ftuara në #HistoriaIme kryetarja e Agjencisë për Mbrojtjen e të Drejtave të Fëmijëve Alma Tandili, avokatja Ana Pertena dhe ish drejtuesja e Komitetit të Birësimit Lenada Caroshi.

Takimet e rradhës në bashkitë gjatë muajit dhjetor

Agjencia — Tue, 29 Dec 2020 10:54:21 +0000

Përditësuar më: 26.02.2026

Agjencia Shtetërore për të Drejtat dhe Mbrojtjen e Fëmijës gjatë muajit dhjetor ka realizuar takimet e rradhës në Bashkinë Vlorë, Bashkinë Divjakë dhe Bashkinë Shkodër ku sëbashku me Punonjësit e Mbrojtjes së Fëmijës janë shpërndarë fletëpalosje me nxënësit e shkollave, prindër nga komunitete të ndryshme. Rëndësia e këtyre takimeve lidhet me kujdesin që duhet të kenë fëmijët ndaj abuzimit online dhe të gjitha formave të dhunës apo abuzimit. Rreziku i fëmijëve ndaj ngacmimeve, abuzimeve apo edhe formave të ndryshme të dhunës online është mjaft i përhapur në mjedisin dixhital. Profesionistët, prindërit dhe fëmijët nxiten të raportojnë në kohë për çdo rast të identifikuar në rrezik.

#fëmijëttëparët

#AgjenciaShtetërorepërtëDrejtatdheMbrojtjeneFëmijës

#MinistriaeShëndetësisëdheMbrojtjesSociale

Fushata për abuzimin online

Agjencia — Sat, 26 Dec 2020 12:58:18 +0000

Përditësuar më: 26.02.2026

Fushata ndërgjegjësimi

ASHMDF ka organizuar Fushatën Ndërgjegjësuese “Kujdes nuk është lojë! në kuader të 18 nëntorit Dita Europiane per Femijet per Mbrojtjen kunder Shfrytezimit Seksual dhe Abuzimit Seksual. Fushata është bazuar në nismën e Këshillit të Europës për Parandalimin e Sjelljeve të Rrezikshme tek Fëmijët. Me qëllim ndërgjegjësimin dhe informimin mbi ngacmimet, abuzimet online me fëmijët janë shpërndarë 600 fletë palosje me mesazhe Kujdes nuk është lojë! Ngrije zërin, denonco dhunën online! Janë realizuar takime me 400 fëmijë të shkollave 9 vjecare , të mesme dhe të qendrave komunitare fëmijët, me 500 profesioniste, mësues, punonjës social të shkollave, psikolog, punojës të qëndrave, me 100 prindër profesionistë dhe prindër në bashkitë Bulqizë, Shkodër, Vlorë, Lushnje, Patos , Fier, Kukës , Këlcyrë, Memaliaj, Përmet, Maliq, Pogradec dhe Korcë. Fushata është zhvilluar gjatë periudhës nëntor dhe dhjetor 2020.

Mbrojtja nga rreziku online me fëmijët

Ligji nr. 18/2017 parashikon mbrojtjen e fëmijëve nga çdo formë e dhunës dhe abuzimit, duke përfshirë ato forma të dhunës dhe abuzimit online dhe mbrojtje e fëmijës nga qasja në materiale me përmbajtje të dëmshme ose të paligjshme në internet (neni 27).
ASHMDF shqyrton çdo raportim të çdo rasti të konstatuar lidhur me faqe/materiale me përmbajtje të paligjshme dhe/ose të dëmshme për fëmijët në internet. Gjithashtu ASHMDF në bashkëpunim me linjën Alo 116 111 ka vendosur në dispozicion linjën e gjelbër për raportimin e rasteve të mbrojtjes së fëmijëve në internet. Për vitin 2020 janë raportuar 80 raste ku fëmijët janë ngacmuar, bulluar, vjedhur adresat e rrjeteve sociale. Rastet janë raportuar Portalin Online të administruar nga AKCESK mbi faqet me përmbajtje të dëmshme ose të paligjshme për fëmijët.

Platforma Kombëtare për Sigurinë e Fëmijëve Online (www.ISIGURT.al) si dhe linja e gjelbër Alo 116 111 janë mjete për raportimin e përmbajtjeve të paligjshme ose të pasigurta për fëmijët dhe të rinjtë ose çdo incident.

Aktivitet me rastin e festave të fundvitit

Agjencia — Thu, 24 Dec 2020 12:02:49 +0000

Përditësuar më: 26.02.2026

Me rastin e festave të fundvitit Kryetarja e Agjencisë Shtetërore për të Drejtat dhe Mbrojtjen e Fëmijës znj.Alma Tandili sëbashku me znj. Lindita Pano, përfaqësuese e Ancora International Foundation të cilët mundësuan dhuratat speciale dhe Nënkryetaren e Bashkisë Kamëz znj. Migena Habibi ndanë emocione të veçanta me fëmijët me aftësi ndryshe, të prekur nga tërmeti, fëmijë në nevojë për mbrojtje, duke i uruar paqe dhe sa më shumë akses në shërbime për fëmijët për vitin 2021.

#fëmijëttëparët

#AgjenciaShtetërorepërtëDrejtatdheMbrojtjeneFëmijës

#MinistriaeShëndetësisëdheMbrojtjesSociale

#BashkiaKamëz

#AncoraInternationalFoundation

Kujdes,nuk është lojë

Agjencia — Fri, 11 Dec 2020 12:42:23 +0000

Përditësuar më: 26.02.2026

Vazhdon fushata “Kujdes,nuk është lojë”, Agjencia Shtetërore për të Drejtat dhe Mbrojtjen e Fëmijës e realizoi takimin e rradhës në Bashkinë Memaliaj ku sëbashku me Punonjësen e Mbrojtjes së Fëmijës u shpërndanë disa fletëpalosje me nxënësit e shkollës 9 vjeçare “Nimete Proganati” për kujdesin që duhet të kenë ndaj abuzimit online. Rreziku i fëmijëve ndaj ngacmimeve, abuzimeve apo edhe formave të ndryshme të dhunës online është mjaft i përhapur në mjedisin dixhital. Profesionistët dhe fëmijët nxiten të raportojnë në kohë për çdo rast të identifikuar në rrezik.

#fëmijëttëparët

#AgjenciaShtetërorepërtëDrejtatdheMbrojtjeneFëmijës

#MinistriaeShëndetësisëdheMbrojtjesSociale

#BashkiaMemaliaj

(07/12/2020)

Takimin e radhës për fushatën ndërgjegjësuese “Kujdes,nuk është lojë!”, Agjencia Shtetërore për të Drejtat dhe Mbrojtjen e Fëmijës e realizoi në Bashkinë Lushnje ku sëbashku me Punonjësen e Mbrojtjes së Fëmijës takuan disa nxënës të shkollave nëntëvjeçare. Rreziku i fëmijëve ndaj ngacmimeve, abuzimeve apo edhe formave të ndryshme të dhunës online është mjaft i përhapur në mjedisin dixhital. Profesionistët dhe fëmijët nxiten të raportojnë në kohë për çdo rast të identifikuar në rrezik.

#fëmijëttëparët

#AgjenciaShtetërorepërtëDrejtatdheMbrojtjeneFëmijës

#MinistriaeShëndetësisëdheMbrojtjesSociale

#BashkiaLushnje

Dita Botërore e Aftësisë së Kufizuar

Agjencia — Thu, 03 Dec 2020 12:56:58 +0000

Përditësuar më: 26.02.2026

Sot është Dita Botërore e Aftësisë së Kufizuar. Agjencia Shtetërore për të Drejtat dhe Mbrojtjen e Fëmijës me politikat e saj është gjithmonë e më pranë në promovimin e të drejtave të fëmijëve me aftësi ndryshe dhe mbrojtjen e tyre në mënyre të veçantë në identifikimin e nevojave dhe referimin e tyre për shërbime të aksesueshme në familje shkolla, komunitet.

Puna jonë përgjatë 2019-2020 ka patur në vëmendje sëbashku me strukturat vendore vizitat në familjet e fëmijëve me aftësi ndryshe për të parandaluar apo identifikuar çdo lloj forme dhune apo abuzimi dhe marrjen e masave emergjente për rehabilitimin e tyre.

#fëmijëttëparët

#AgjenciaShtetërorepërtëDrejtatdheMbrojtjeneFëmijës

#MinistriaeShëndetësisëdheMbrojtjesSociale

#BashkiaKukës

Parandalimin e sjelljeve të rrezikshme tek fëmijët

Agjencia — Thu, 26 Nov 2020 13:05:30 +0000

Përditësuar më: 26.02.2026

Vazhdojnë takimet për parandalimin e sjelljeve të rrezikshme tek fëmijët. Sot Agjencia Agjencia Shtetërore për të Drejtat dhe Mbrojtjen e Fëmijës ishte në Bashkinë Patos fillimisht me anëtaret e GTN ku u diskutua për punën e profesionistëve për parandalimin dhe trajtimin e abuzimit online me fëmijët. Edhe pse në situatë Pandemie u zhvillua një takim tepër interesant me senatin e gjimnazit të kësaj Bashkie. Mesazhin për abuzimin seksual “Kujdes, nuk është lojë!” u përcoll përmes fletëpalosjeve dhe infomacioneve dhe bisedave me adoleshentët.
Takimet interaktive dhe mesazhet e drejtpërdrejta me fëmijët, adoleshentët dhe profesionistët janë mjaft efektive në botën dixhitale ku po jetojmë të gjithë.