Kjo marrëveshje ka për qëllim forcimin e bashkëpunimit dhe përcaktimin e mënyrës së bashkërendimit të punës brenda kompetencave ligjore të dy institucioneve në kuadër të mbrojtjes së fëmijëve në hapësirën kibernetike. Duke vlerësuar mbrojtjen që ligji i jep fëmijëve në hapësirën digjitale për sigurinë e tyre nga kërcënimet, shantazhet, apo sulmet kibernetike, me anë të këtij bashkëpunimi është reflektuar respektimi i parimit të reciprocitetit ndërmjet dy autoriteteve në përmbushje të parimit më të lartë mbrojtjes së interesit më të lartë për fëmijët.
Kjo Marrëveshje bashkëpunimi ka për qëllim forcimin e bashkëpunimit ndërmjet dy institucioneve në kuadër të mbrojtjes së fëmijëve në konflikt me ligjin. Kjo Marrëveshje e Bashkëpunimit lidhet duke qenë se Palët vlerësojnë rëndësinë e bashkëpunimit ndërinstitucional si vendimtar në arritjen e objektivave të përbashkëta për të garantuar mbrojtjen e fëmijëve në konflikt me ligjin bazuar në interesin më të lartë të fëmijës, në zbatim të kuadrit ligjor për mbrojtjen e fëmijës, të Agjendës Kombëtare për të Drejtat e Fëmijëve 2021-2026 dhe Strategjisë së Drejtësisë për të Miturit 2022- 2026.
Bazuar në VKM Nr.111, datë 06.03.2019 VKM është lidhur midis dy shteteve Marëveshja e bashkëpunimit ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Financave, Punës dhe Transfereve të Republikës së Kosovës. Qëllimi i kësaj marreveshje është përcaktimi i rregullave të bashkëpunimit mes shteteve palë dhe kooordinimi mes institucioneve për mbrojtjen dhe ofrimin e shërbimeve për fëmijët. Kjo Marëveshje zbatohet dhe funksionon përmes bashkëpunimit të Agjencisë Shtetërore për të Drejtat dhe Mbrojtjen e Fëmijës si dhe pushtetit vendor si edhe nëpërmjet bashkërendimit të punës midis autoriteteve përgjegjëse shqiptare dhe të huaja, të përfshira në procesin e mbrojtjes së fëmijës.
Marrëveshja e bashkëpunimit Nr.6084 prot. datë 23.10.2018 të tre Ministrive MASR, MB dhe MSHMS ” Për identifikimin dhe regjistrimin në shkollë të të gjithë fëmijëve të moshës së detyrimit shkollor” Objekti i kësaj Marrëveshje është përfshirja e të gjithë institucioneve për sigurimin e ndjekjes së arsimit bazë nga të gjithë fëmijët e moshës së detyrimit shkollor si dhe koordinimi i NJAV dhe shkollave me njësitë e vetqeverisjes vendore, zyrat e gjendjes civile, NJMF dhe qendrat shendetësore për identifikimin dhe regjistrimin në shkollë të të gjithë fëmijëve të moshës së detyrimit shkollor.
Marrëveshja e bashkëpunimit “ Për identifikimin dhe mbrojtjen e fëmijëve në situatë rruge”
Ministria e Mirëqenies Sociale dhe Rinisë, Ministria e Punëve të Brendshme dhe Ministria e Arsimit dhe e Sporteve kanë hartuar marrëveshjen e bashkëpunimit për identifikimin dhe mbrojtjen e fëmijëve në situatë rruge. Kjo marrëveshje synon ndërmarrjen e përpjekjeve të përbashkëta institucionale parandaluese dhe mbrojtëse, si një garanci për zhvillimin dhe mirëqenien e fëmijëve në situatë rruge, të cilët janë ndër grupet më vulnerabël dhe që jetojnë në kushte të papranueshme fizike, sociale dhe psikologjike, duke u bërë subjekt i formave të ndryshme të dhunës, abuzimit dhe shfrytëzimit.
Gjithashtu, kjo marrëveshje bazohet në nevojën për ndërhyrje të qëndrueshme, ndër-sektoriale për adresimin e fenomenit të fëmijëve në situatë rruge, si dhe nevojën për vendosjen e praktikave të qëndrueshme parandaluese për informimin dhe edukimin e shoqërisë, familjes dhe në veçanti të fëmijës mbi këtë fenomen.
Marrëveshja e bashkëpunimit të katër Ministrive ka si qëllim identifikimin dhe regjistrimin në shkollë të të gjithë fëmijëve të moshës së detyrimit shkollor. Objekti i kësaj marrëveshje është përfshirja e të gjithë institucioneve për ndjekjen e arsimit bazë nga të gjithë fëmijët e moshës së detyrimit shkollor si edhe koordinimin e drejtorive arsimore rajonale, zyrave arsimore, shkollave me njesitë bazë të qeverisjes vendore, zyrat e gjendjes civile, njësitë e mbrojtjes së fëmijëve dhe qendrat shëndetësore për regjistrimin e fëmijëve në arsimin e detyruar.